ياغلاتي احبك احتريك كافي عذاب.......... غصب عني يا حبيبي

[center]في يوم من الايام وفي بيت من البيو ت الموجودة في مكة
:موووووودي حبيبي فينك تعال اشرب الحليب
ام محمد:اشبك ؟
ريماس:فين مودي؟؟؟اووووف جنني الولد مهو راضي يشرب الحليب يا ماما
ام محمد:خلاص انا اشربوروحي انتي ارتاحي وراكي دوام
ريماس:ان شاء الله ياماما
راح اعرفكم بابطال القصة ريماس هي بطلتنا لها 3اخوان واختين اكبر اخوانها محمد متزوج وعند طفل ويسمو ابو عبادي بس طبعا اسم ولدو عبدالله على اسم الوالد وهو الجد والجدة اسمها كلثوم وحرمة محمد اسمها حنين وبعد محمد تجي انعم وارق انسانة بالوجود وطيوبة زي العسل اسمها مشاعل طبعا مشاعل قريبة من الكل وهي وريماس دووم مع بعض يعني زي ما تقول روح وحدة ريماس تموووت في اختها وتحبها حيييل ويجي بعدها ياسر طبعا هادا شخص صا0حب واجب وشهم ومايسكت عن الحق بس علاقتو مو مررة مع ريماس بس طيوب حييل ويجي بعد ياسر ريماس وبعدها مهيب وبعدو لاراهي صغيرة بس زي ماتقولو مسترجلة طبعا نسيت اقلكم انو مشاعل متزوجة وهية حامل وراح تولد قريب وعندها بنت صغنوونة تهبل يااناسوو عليهاا اسمها سالي تهبل وريماس عندها بيبي عمرو سنة تقريبا اسمو محمدبس الكل ينادي مودي مشاعل زوجها طيب وولد حلال ويحبها ويمووت فيهااا ويمووت في رومنسية و ودلع وذوق مشاعل اما عن ريماس فهنا راح تبدا قصتنا
ريماس طالبة الطلاق من زوجها لسبب ما وراح تعرفو مع الاحداث الي راح تصير وزوجهاا مو راضي انو يطلقها وهية الحين في بيت اهلها بمكة وهو بالرياض عشان هو عايش هناك بس يوم تزوج ريماس عاش بجدة بس بعد المشاكل قرر انويسافر الرياض هو غني ومن عائلة لها سمعتها في الرياض وفي جدة ولهم هيبتهم وعائلة جدا محافظة ابوه يلقبو بابو متعب وطبعا زوج ريماس اسمو ثامر هو الولد الي ماقبل الاخير اكيد فمهمتو وش اقصد
ريماس صحيت على دقت الساعة وقامت راحت تستحم وانتم بكرامة واتوضة وصلت ولبست تجهز نفسها عشان تروح الدوام طبعا ريماس دكتورة ويوم كانت مع ثامر ماكانت تشتغل بس بعد ما طلبت الطلاق بدات تشتغل عشان تعيل نفسها وولدها مع انو اهلها مو مقصرين معاها طلعت ريماس من الغرفة واتوجهت لصالة وشافت مامتها وبابتها بيفطرو سلمت عليهم واستاذنت عشان تروح
ام محمد:تعالي خديلك لقمتين وبعدين روحي اسمعي الكلام
ابو محمد:رموسة حبيبي تعالي افطري ترى مو طيب كدة عليكي شوف كيف ضعفتي ؟؟
استحت ريماس من ابوها :بابا والله مالية نفس واصلو انت عارف طريق جدة يا بابا زحمة ولازم الحق عشان ما ابى اتاخر بس هناك اوصل افطر مع صحباتي
ابومحمد:بكيفك الله يوجهلك يابنتي ويهديكي
ابتسمت ريماس من ورا خاطر وراحت وطول وقتها كانت تفكر بسيارة كيف راح تكون حياتها وكيف راح تكون المسؤولية عليها صعبة وهية الي عمرها ما اتحملة مسؤولية كانت دووم امها ابوها زوجها اختها هم الي يتحملوها والحين هية عندها ولد ولازم تعتمد على نفسها وتكون قد المسؤولية وعلى هذا التفكير وصللت للمستشفى وشافت صحبتها ميعاد سلمت عليها ووقعت وبدأوا المرضى يدخلولها طبعا الكل الي بالمستشفى معجب بريماس باناقتها وبادبها واخلاقها العالية ريماس شكلها الي يشوفو يقول انها هندية بس طبعا ريماس تتلثم ما تكشف وجهاها بدات الاستراحة حقت ريماس وطلعت راحت الكفتريا الي بالمستشفى وطبعا يوم دخلت الكل ناظرها باعجاب وباحترام هية ماكان شي يهمها وراحة لصحباتها ميعاد ورنين وهبة سلمت عليهم واعطت ظهرها كالعادة للناس ووجهاها للجدر الي ما تدري عنو ريماس انو في طاولة من الطاولات كانو شباب قعدين يسولفو عنها حسن:بصراحة هادي البنت هية الوحيدة الي اقابلها واحس اني غصبن عني احترمها بصراحة محترمة مرررة
فيصل:اي والله تهبل هذي البنت يحليل الي ماخذها
عبادي:ليش هية مخطوبة ؟؟
فيصل:ما ادري بس والله لو ماكنت خاطب بنت خالي لخطبتها وانا مغمض عيوني بعد
ضحكووو علية الشباااااب بس الي كان مقهووور وودة لويذبحة عبادي كان ينحرق ويقول في قلبة عساك ببلوة وجع يطالع في بنات الناس الوسخ واتفاجا من نفسو انوغيران عليها وصار يضحك على نفسو وحتى حسن كان معجب بريماس بس هو يحب رنين ويبى يخطبها بس خايفة انها ترفضو لان على قولت رنين مغزلجي هو اسلوبو في الكلام كدة يعني يقول عفويا بدون قصدي حبيبتي حياتي من عيوني ومن هادا الكلام
المهم خلصت الاستراحة وكلن رجع لشغلة خلصت ريماس الدوام بعد المغرب وهية اول ما تخلص تدق على ماماتها وتطمن على مودي يعني كل بعد ساعة تتصل المهم وهية خارج كلمت مامتها وقالتهلها انها خلصت وراجعة البيت وهية بتركب السيارة الا رن جوالها وابتسمت يوم عرفت منو وعلى طول ردت
:وحشتييييييييييييييييييييييييييييينيييييييييييييي يا حمارة
ريماس:وجع فقعتي طبلت اذني
:وشلونك وش اخبارك واخبارحمودي؟؟؟؟
ريماس:هههههههه الحمد لله كلنا طيبين وانتي يا عسل كيفك وكيف عمي وعمتي وكيف الخطوبة معاكي ؟؟؟؟
مريم:والله الحمد لله دووم ينشدوون عنك وعن ولدك اما عن الخطوبة فانا داقة عليك بسبب هذا الموضوع
ريماس:تسال عنهم العافية اهاااااااااااا يعني الاتصال مو لله لله تبي مصلحة يا ام المصالح
مريم:حراااااااااااام عليكي واالله ما اقصد بس انتي عارفة انتي الوحيدة الي جات بيبالي وابى اقلك كل شي
ريماس:ههههههههههههه طيب صدقتك قولي يا قلبي سرك في بير
مريم :تسلميي يا قلبي بس انا بسوي ملكتي بجدة واباكي تكوني معي يعني لو تسمحي
طبعا راح اعرفكم منو مريم؟؟؟ مريم اخت ثامر وهية الي بقيت من اخوات ثامر الي ما تزوجت والحين انخطبت على ولد عمها وهية تحب اهل جدة حييل وكان ودها تعيش وتدرس بجدة بس اهلها ما رضيوو خافوو عليهاا وهم عندهم فلل برياض وعندهم عمارة بجدة وطبعا هادي العمارة الي كانت عايشة فية ريماس وثامر المهم وهية يعجبها ذووق ريماااس في كل شي ودووم تستشير ريماس
ريماس:ههه غالي والطلب رخيص بس راح اكون معاكي يووم تدبشي بس اعذريني ما اقدر اجي بيتكم
مريم:بلييييييييييييييييييييز رموسة الله يسعدك
ريماس:خير ان شا الله المهم والله مررة فرحانه لكي يالله مرررة وحشتيني ودي اشوفك
وكملوووو سووووووووواللف الين وصلت ريماس البيت بسلامة
اول ما دخلت البيت جري لها مودي يحضن اموووو وكلهم كانووو متجمعين عششان اليوم الاربعاء وقعدووو يضحكووو علية وريمااس قعدت تحضن ولدها وتبوسوو وسلمت على الكل ودخلت غرفتها هية ولارا وغيرت ملابسها وخرجت تلعب مع الاطفال
محمد:ريماس ....
ريماس :نعم
محمد:تعالي اباكي بموضوع
ريماس :ان شاء الله .............وراحت ورا اخوها وهية خايفة منووو هية تحترم اخوهاا وهووو كاان احن واااحد باخوانهااا بس طبعا لهو هيبتوو وخافت يفاتحهاا بالموضوع الي في بالها
محمد :ريماس شوفي انتي دحين عندك ولد ولازم تكوني قد المسؤلية وقبل لا تفكري بنفسك فكري بولدك معقولة راح تعيشي بدون اب
ريماس وبحماس :ميين قالك اني بحرمو من ابووو يقدر يشوفو متى ما يبى
محمد:ولو مهما كان راح يعيش وفي حياتو في حاجة ناقصة فلا تحرمي منها
ريماس ودموع بدات تلمع بعيونها:ما اقدر يا محمد ارجعلو انا ما اباة النفس عافيتوو
محمد ما حب يطول وماحب يشوفها تبكي قام وضمها وسلمها على راسها قلها :خلاص انتي كبيرة وتعرفي مصلحتك بس حبيت اقلك وانصحك نصيحة اخوية
ابتسمت ريماس وهية مالها خلق انها تبتسم
راح نروح لاهل الرياض كانت العايلة الكريمة متجمعة ابو متعب: ثامر
ثامر:هلا يبه
ابو محمد:ها وش صار بموضوعك انت وزوجتك ؟
ثامرماهو عارف وش يقول ابو محمد:يا ولدي ترى عندكم ولد وحرام الي تسوووه فية
ثامر :ان شاء الله يا يبة يالله عن اذنكم انا مواعد الشباب وطلع وهو لا كان مواعد ولا شي بس يبى يتشرد من ابوة ويبى ينسى سالفت الانفصال حتى بدا يشغل نفسو بشركة الوالد والقعد مع اصحابو وركب السيارة ومهو عارف وين يروح فيها راح كوفي قعد يفكر وش سبب انو ريماس تطلب الطلاق وهو ماسوى الا كل خير وما يذكر انو تهاوش معاها او شي بس ليش تسوي فيني شذي بدأ يتذكر اخر مرة شاف فيها ريماس
ريماس:حبيبي اباك توديني بيت اهلي طيب
ثامر :تامر امر
ريماس ابتسمت بحياء وفي نفس الوقت كانت نظرتها غير عن كل مررة ووداها على بيت اهلها بس كانت طول الوقت تضحك وتسولف وتتكلم عن الحب والوفا والتضحية والفراق ولا فهمت انا شي من ذا كلو يوم وصلنا دخلنا سوا وسلمنا وكلوو وماكاان في اي شي الين قلت يالله مشينا ابتسمت ومشيت معي الين الباب وقالت : مع السلامة
ثامر:احلفي بس اقوول قووم جيبي عبايتك
ابتسمت ريماس وقالت:اسفة ثامر مني جاية معك
استغرب ثامر من ردها الي حس في نغمة اول مرة يسمعو منها رفع حاجبه:وليش ان شاء الله
ريماس :راح اقلك بس على الجوال
ثامر:ليش مو الحين !!!!
ريماس بدلع :بلييييز
سمع كلامها وسوا الي تبية وقال:طيب بس اذا ما اقتنعت راح ارجع اخذك
ابتسمت وقالت :طيب
اول ما ركب السيارة دق عليها وقلهااا:اي اسمعك اطربينااا
ريماااس: اول شي حرك السيارة وامشي على البيت
ثامر :طيب امري على الله
ريماس :ثامر انا اسفة بس انا قبل ما اقلك فكرت الف مرررة ولقيت انو هذا انسب قرار
ثامر كان ساكت بمعنى كملي
ريماس:............طلقني
ثامر فتح عيونة وحاول يستوعب وش قالت :ايش (بصوت عالي )
ريماس :اقول طلقني
ثامر: انتي وش قاعدة تقولين وكمان تعيديها انا جايك
ريماس:ثامر افهمني
ثامر: وش افهمك انتي مستوعبة وش تقولي
ريماس :ايوة مستوعبة ونص كمان (وبكل جرائة )خلاص يالله مع الففففف سلامة وقفلت على وجهه الجوال
انقهر منها ووده لو يرجع ويذبحها بس عزة نفسووو وين راحت وغرورو انقهر منها وكل ما يتذكر ثامر يبي يعرف وش السبب وصارت مشاكل كثير حاول انو يرجعها او يعرف سبب انها تبى الطلاق بس ما في فايدة حتى ابوها يووم سالتة قالي نفس كلام اخوانها اوووووف ما ابي اذكر شي ولا يبوني ارجع الشقة والاقيها فاضية واعيش فيها وهية مهب فية لازم ادور لية عذر
وبعد ما خرج ثثامر من عند اهلووو ام متعب: يالله هذا الولد ما اشوفة الي يووم يجي يناام حتى الاكل ما صار ياكل مثل اول اقوول ابو متعب
ابو متعب:سمي
ام متعب:سم الله عدوك لو رحنا جدة خلينا نروووح نزور ريماس واهلها ونراضيها ترى مو ناقصنا فضايح وانت عاارف كلنا اهل الرياض واهل الشرقية واهل جدة كلنا بنتجمع وفشلة نقولهم
ابو متعب : انشاء الله ما يكون خاطرك الا طيب
مريم: صدق يبة
ابو متعب ابتسم وهز راسة وفرح وعرف انو ريماس بنت طيبة ومريم ما تصاحب اي شخص عشان كدة اطمن من الجهة هذي صح هو كان مايبي ولدة يا خذ من برى العايلة بس النصيب على فكرة ثامر الوحيد بعيلتو الي ماخذ من برااا
مريم كااانت حيييييييل مستانسة ودهااا لو تتصل بريماس بس قالت تسويها مفاجاة
المهم مرة الايااام وجا اليوووم الي يسافرو فية اهل ثامر لجدة
وثامر كان متعذر انو عندو شغل بس ابوو ما رضي انو يقعد وقلوو انو يقدر يكمل الشغل بجدة لانهم عندهم فرع بجدة وراحوو كل العايلة طبعا لثامر اخوات واخوان مررة كبار لهم بزران كبر ثامر وصلووو بمطار جدة بسلامة وراحو للعمارة وكل واحد اخذ عيلتو وراح لشقته اما ثامر كان يحس بخنقة مهب قادر يتنفس قلهم انو عنده صديقه ينتظرة ويبى يروح له وطلع ورااح للبحر وانتو عارفين البحر موجة تعالج كل عبرة حزينة وقعد يتذكر احلى ايامو مع ريماس وشغل اغنية تصدق يا بحر لـ " عبد الرحمن الحريبي " /
تصدق يابحر انك تشابه بالعطا قــــــــــــــلبي

وتصدق يابحر انك تشابه بالغدر خلـــــــــــي

تشابه منهو حبيته وبديته على نفـــــــــسي

هذاك اللي توقعته ينــــــــــور بالوفاء دربي

احبه وشايل همي ادور عنده الراحـــــــــــــه

تخيل لما يلمحني--- تجيني تركض اجراحه

اذا صديت ناداني واذا اقبلت خــــــــــــــلاني

واذا قلبي نوى الفرقه يعشم قلبي بافراحه

ابعرف يابحر ذنبي وش اللي بعمري سويته

انا ما اذكر اني بيوم جرحت انسان وابكيته

وجرحي اليوم علمني عشان اني على النيه

تعب قلــــــــــبي وتعبني ياليته يقسى ياليته

ابسكت يابحر وامشي واخلي ضيقتي فيني

ابسكت وابتعد عنك وادور من يواســـيني

تصدق يابحر اني؟؟ توقعتك تشيل اهموم

ولكني اكتشفت انك غرقت بدمعه من عيني

في ذا الوقت اتصلت مريم على ريماااس وقالتلها انهم وصلوو وانهاا تبي تشوف ريماااس باقرب فرصة وطبعا ريماس ما رفضت بالعكس وافقت على طول لانهاااااا اشتاقت لهااا حيييييييييل اتفقووو يتقابلو في مووول.........
في بيت ريماس كانت مشاعل تقضي اخر شهر في الحمل عند اهلها وريماس استشارت مشاعل ومشاعل قالتلها عادي روحي واستانست حييل ريماس لان ريماااس تحب تستشير اختهاا وتحب نصايح اختها ودوووم تقلها على كل شي وتاخذ رايهاا لان ريمااس تهتم براي اختها وتسمع كلامها حتى لو كان الشي ضدها المهم جا اليوم الثاني وريماس استاذنت من امها وابوها على اساس تقابل مريم وامها وابوها وافقووو بدووون اي اعتراض بالعكس فرحوو وحسوو انو ممكن ريماس تقتنع وترجع لزوجها طبعا اهلها رافضين انها تطلق بس مايبوو يبينو انهم ضدهاا وتحس بشعوور انو اهلها مسيبينهاااا ولا مهتمين فيها المهم طبعا ريماس راحت الشغل واستاذنت واخذت معها مودي عشان مريم طلبتها تشوف مودي

في هذة الاثناء في عمارة ابو متعب كاااان صيااااح ثامر راح يشوف من وين هذا الصياح شاف التوام المختلف على قولت الجميع يتهاوشوو زعق عليهم:وش فيكم تضاربون ؟؟؟؟
طبعا التوام بنت وولد البنت اسمها دانة ودلعها دنو والولد اسمو سامي ودلعوو سمسم عمرهم 4سنين وهم اطفال اختووو سمية
وزوج سمية في الشرقية بسبب انو المصنع حق العايلة فية مشكلة وراح يحلها
دنو:اموو ثوف ياخذ ذذمتي(عمو شوف اخد جزمتي)
سمسم:اموو ثبثبي انقطع (عمي شبشبي وانتم بكرامة اننقطع)
سمية:اووووووووووووف والله جننوووني وش اسوي يبون يلعبون في الحوش وجزمة سمسم انقطعت ويضارب مع اختة يبي جزمتها
ثامرابتسم سمية:وانا جايبة معي جزم الله يكرمك لكل لبس بس مهب راضي يبي لون ازرق مثل اختة
ثامر :خلاص انا اروح اشتري له جزمة مثل دنو زرقة واحلى بعد
دنو طبعا كشرت وراحت لامة تبي تبكي اما عن سمسم استاانس محد قدة ثامر شال سمسم وسلمة في خدة وقال:خلاص انا اروح اشوفلك في المول امكن الاقيلك انت اقعد هنا ولا تطفش دنو طيب
سمسم هز راسو يعني طيب:بث ذبلي ثبثب احلى من دنو
ابتسم ثامر قلو طيب وراح يجبلة في هذي الاثناء جا اتصال لابومتعب من اخوة ابو احمد
ابو متعب :عاش من سمع صوتك
ابو فيصل:ههههه والله يا اخوي مشاغل الدنيا المهم حبيت اتطمن عليكم واقلكم ان شاء الله نجيكم بعد اسبوع
ابو متعب :الله يحيكم
طبعا اتقابلت مريم هية وريماس في المول في الكافيه وقعدو يبوسوو في بععض ويحضنوو بعض وكل وحدة شوي وتبكي ومريم استانست حييل بجيت موودي
ريماس:ايش رايك بعد ما نخلص الكوفي نرووح نفرفر في السوق تشوفيلك كم غرض لزواجك
مريم:اوكي نو بربلم !!
ريماس :وكمان بروح اخد كم بدلة لي مودي وجزم الله يكرمك انت عارفة كبر ما شاء الله والجزم علية صغيرة
مريم :اجل يالله قووومي
دفعو الحساب وخرجو ودخلووو كم محل اشترووو لمووودي واشترت مريم كم غرض حق زواجهااا مريم كاانت طوول الوقت وهية شايلة مودي
ريماس:خلاص نزلي هو يعرف يمشي لاتتعبي نفسك
مريم :لا يا قلبي والله واحشني حييل وابية بحضني
ريماس ابتسمت :بكيفك
مريم قالت لريماس انهاا تبى تروووح تشتري اكل لمودي وريماس قالت طيب وانا برووح اشوف لة جزمة وكل وحدة راحة بطريقها دخلت ريماس وقعد تشوف الجزم ويووم انهااا تبي تشوف جزمة الا وتطيح من الدرفة الي اخذت من كم جزمة وجا شخص وساعدهاا في ترتيب الغرض وكان من العاملين في المحل واول ما التقت عينها بعينه رختو على طول ودارة وجههااا على طول وهية بدير الا تصقع بشخص وطبعا العامل خق عليهااا والعامل سعودي الجنسية والشخص الي صقعت فية كانت اكتوفة عريضة وما قدرت انا تمشي بدون ما تنا ظرة وتقلها انو يبعد وتتاسف لكن يوم نا ظرتو حست عيونة حمرا مثل الجمر ودة شوي ويذبحها وانصدمت يووم شاافته حست انهااا مشتااقة لهذي العيووون لكن اول مررة تشوفة شذي تدرووووون منوووووو؟؟؟؟؟؟؟؟؟؟؟؟؟؟






اية هذا ثامر كان لابس ثوب بس بدون شماغ يعني يبان شعرو ومحلية
ريماس:ث.........ااااااااا.....م
ثامر رفع حاجب وقلها :اية عندك مانع
وكان صوت ثامر جبار يخوف الي يسمعة حتى حست اني الي قدامها صخرة ما يحس وينطق بكل برووود
ريماس استجمعت قوتهاا وخافت انوو يفوووز عليهااا :لا ما عندي بس لو سمحت ممكن تبعد عن طريقي
ثامر قهرة بروودها وقوتهاا حتى يووم تتكلم معة كانها تسولف مع اي شخص مو مع زوجها حبيبها المهم مسك ايدها وجرهاااا لبرااا :انتي وشلون تخرجين بدون حسيب ولا رقيب هااااااااااااااااااه (وكااان معصب حييل)خافت يقوووم يصفقهااا قالت:جيت اشتري ملابس لمودي
ثامر:صدقتك اقوووول امكن نسيتي انك الى الان انتي بذمتي سااااااااااااااااااااااااامعة قالها وهو رااص على اسنانة
اما ريماس انقهرت منة ومن كلامة الي مثل السم :لو سمحت انا ما سويت شي غلط عشان تقول هدا الكلام سااااامع انت وعصبت ريماس مررة وجرت ايدهاا ومشيت ولا كانها تعرفة شوي ويشوووف مريم شايلة مودي وجاية ومعهااا بطاطا هدت اعصبووو وانقهر انو قلهاا هذا الكلام بس كااانـ حيييييييييييييييييل مشتاااااااااااااااااااق يشوووووف ولده مشى وراح لمريم اما ريماس بعدة عنهم ومريم راحت لاخوهاا واخذ من ايدها الولد وقعد يبوسوو ويحضن فية ريماس يووم شافت الموقف ما استحملت اكثر ونزلت دمعتها ودارت وجهاها عشان لا يحسووون فيهااا وثامر الدنيا مهب سايعتة من الفرحة انو ضناهااا الي مااا شافة اكثر من 7 شهور المهم ثامر اخذ مودي ووداه جهت الالعاب يلعبة اما عن ريماس ومريم قعدووو يفرفرووو بسوق وطبعا ثامر وصى مريم تشتري لسمسم جزمة زرقة وقالها تاخذ المقاس من سمية طبعا خرجوو من الموول وريماااس طبعا كلمت مامتها وعرفت انو اهلها كلهم طلعووو جدة وقالتهاا ترسل احد يخذهاا لكل اخوانهاا كلهم معع اولاد العيلة في القهوة ولا احد راضي يرد فكان ولد خالتها فواز هو الي موجود طبعاا فواز يحب ريماس بس هية ماا تتعرف وهية اصلها تعتبرة مثل اخوهاااا بس ثاامر غيووور حتى من الهوى وكان يكرة فواز طبعا استانست ريماس انو فوااز راح يجيهاا تبي تقهر ثامر بس خاافت منوو ممكن يسووو اي شي فقالت لفواز انو يوقف بعيد واخدت ولدها ومشيت وقالت لمريم بس مريم خافت اخوها يسوي شي قالت له اخوها جاي يخذهااا عشااان هوقلهاا خليها تجي معي انا اوصلهااا لكن ابتسم يووم عرف انوو اخوهاا وقال يبى يسلم علية خااافت مريم يكتشف قالت:لا عاااد انا انتظروالله تعبانة حيييل واذا قلت نرووح سوى والله انا استحي ابتسم ثامر وركبوو السياارة ومريم ارتاحت انو ما عرف اما عن ريماس فركبت ورى في السيارة وابتسم فواز من قلب وقالهاا :هلا والله برموسة نورة السيارة ابتسمت ريماس استحت من كلام فواز :تسلم طبعا بصوت واطي مررة بس سمعهااا فوااز وسلم فوااز على مودي وخلاه يركب جنبة ووقفوو عند اشارة وكااان فوااز يلعب مع مودي فتح عيوووونة للاخير طبعا الي ما يعرفوو انوو ثاامر كان موقف جنب سيارة فواز عند الاشارة معقوولة كذبت علية عشااان تروووح مع هذا الخسيس وكاان وده ينزل من السيارة بس انفكت الاشارة ومشت السيارة مريم كاانت تهز ثامر :ثامر .....ثامر
ثامر:هاه
مريم:وش فيك مسرح مشيت السيارات وانت تقلي هاه
ثامر:طيب
ثامر كاان منحرق وده يسوي اي شي ودة يذبح فواز والغيرة بدات تاكلة اكل

وصلت ريماس لبيت خالها سراج ونزلت وطلب فواز من ريماس انه ياخذ مودي يشتريلو حلويات دخلت البيت وسلمت ريماس على خالاتها وعلى مرة خالها طبعا اسم مرة خالها سهام عسووووولة مرررة وشخصيتهااا تهبل وريماس تحب مرة خالهااامرررة المهم ريماس وحورية بنت خالتهااا طبعا حورية حافظت اسرار ريماس والعكس المهم قعدوو في الحووش يسولفوووويضحكو وسووو عشاا مشوي طبعا الرجاال قعدو يشووو والحريم قعدو على الفرش الي فرشو وكل ما يستري شي يجيبوو جهة الحريم وطبعا اتصلوو على الشباب ورجعوو لان المشوي الي في بيت خالي سراج ما يتعوض وقعدووو الين الفجر وكل واحد اخد له غرفة ونام وريماس وحورية ما شبعوو سوالف وام حورية قعد تهاوش فيهم تقلهن ناامووو بس يسوون نفسهم نايمين قدامهاا بس تناام هية يبدا يسولفو
المهم بعد اسبوع جا اليووم الي راح تشوف ريماس فية اختهااا توام روحها طبعا هية بنت خالتها مو اختها بالحقيقة بس يعتبروهاا ريمااس ومشاااعل كانهاا اختهم من ام واب واحد طبعا اختهم اسمها عليا وهية على فكرة اختهم برضاع طبعا اخت ياسر وياااسر يموووت فيهااا يحبهااا امكن اكثر من اخواااتوو الحقيقين طبعا زي منتووو عارفين مشااعل حاامل ما قدرت تجي بس اتصلت على ريمااس على اساس اذا جاات تكلمهاا وكل العيلة الكريمة تحبهااا طبعا واستقبلوهااا والدموووع في عيونهم من الفرحة في هذي الا ثنا جا ثامر وولد اختو ناصر يستقبلووو عمهم ابو احمد طبعا ريماا كاانت جذاابة حيييل الكل يناااظرها لانهااا كشفت وجهاها من البكي وما انتبهت انها كاشفة يعني مو بقصد وانتبه لها ثامر الي كاان وااااصلة حده يبي يرووح يصفقهاا ويعلمهاا السنع بس مسك اعصابو وجا مهيب وشاف ثامر وسلم علية
مهيب:هلا والله بنسيب كيفك؟؟
ثامر وماوده يبتسم بس ابتسم :تسلم يا ابو رحم الحمد لله عايشين انت وشلونك ؟؟؟وكيف الدراسة معاك ؟؟مو اخر سنة لك في الثانوية على ما اظن؟؟
مهيب :والله الحمد لله على كلي حال ايوة... تصدق والله خايف من اسالت القدرات والتحصيلي بس خليهاا على الله
ثامر:ونعم بالله
مهيب :ثامر مين الحبيب الي معك ؟؟
ثامر ابتسم :هذذا ولد اختي ناصر لا تستغرب (لانة شاف في وجة مهيب علامة الاستغراب)هو اصغر مني بسنة وبعدين اقلك السالفة المهم وش فيكم هني؟؟؟تنتظرون احد ؟؟
مهيب ابتسم :والله اختي برضاعة جات من دبي وحبينا نستقبلها
ثامر:اهاااااااااااااا
شوي جا محمد وسلم عليهم وجو اولاد العيلة الكريمة وسلمو وراخ ثامر لابو ريماس يسلم علية وهو بنيتة يبي يشوف وين راحت ست الحسن والجمال وطلع من المطار راح يسلم على ابو محمدوسلم على الرياجيل كلهم وهو داخل الا يلمح ريماس وعليا وشخص معهم ما يطيقة في عيشة الله فواز عليا كانت تكلم مشاعل وريماس بتمسح دموعهاا وشوية جاات حورية وعلى فكرة حورية اخت فواز وقالت حورية لفواز:اععطيهااا منديل وطبعا فواز ما صدق وطلع منديلو الخاص
ريماس:شكرا
والي كاان يحترق من القهر الي فية ثااامر بس انا قلتلكم انوو ثااامر مجنووون يسوي اي شي
:السلام عليكم
الكل:وعليكم السلام
ثامر:كيفك يا اختي عليا؟
عليا: الحمد لله انا تماام ..وانت كيفك؟
ثامر ابتسم ابتسامة فيها مكر وخبث:انا من يووم شفت حبي وقمري انا بخير وكان يقصد ريماس حى انو سبل عيونو عليها
عليا الي ما تدري عن شي ابتسمت بحياا:الله يخليكم لبعض
وفوااااز كان مقهوور من حركة ثامر الي مالها دااعي حتى ريمااس محرووفة منووو اما حورية حطة رجلها استحت
فوااااز حب يقهر ثامر متل ماهو يقهرة :يالله علولة يالله رمووسة مشيناا
ثااامرما قدر يمسك اعصابة:مشيت بطنك ان شاء الله ...رموسة بعينك ياللي ماا تستحي قداامي بعد وانتي عاجبك وياشر على ريماس بعصبية وريمااس خافت تصير مشاكل قالت لفواز :بلييز فوااز خد علياا معااك ورووح
فواز :وانتي ؟؟
هنا ثاامر حس انو فواااز زودهااا وقااام علية واضاااربووو جووو الشباب وفرعووو بينهم
وريمااس قعدت تبكي بسيارة وهم يهدوو فيههااا

في هذي الاثناء في بيت ابو متعب جاة اتصال انو ابو احمد اجل الرحلة بسبب مشكلة بسيطة بالعمل واتصل على ثامر مايرد واتصل على نا صر بعد ما يرد خااف يكوون صار لهم شي

في هذي الاثناء ثااامركاان معصب ومن فمة ينزل دم وثوبة مقطع وياسر وابو محمد كاانوو واقفين معة حتى محمد معة ومهيب وناصر اما البااقي فرااح مع فواز وبعد مااا هدي الوضع طلب ثامر من ابو محمد انو يتكلمون
ابو محمد:محمد خذ سيارتي الجيب وودي الاهل وانتي يا ياسر سوق سيارة اخوك محمد
ثامر:لو تسمح ياا عمي خلي ياسر يوصل ناصر على العمارة
ابو محمد :طيب يالله اتوكلوو على الله
ثامر :معليش ياسر رااح اثقل عليك
ياسر:افا ياا ذااا العلم انت تامر امر يا ابو محمد
ثامر ابتسم مجاملة:ما يامر عليك عدو
رااحوو الشباب وابو محمد وثامر ركبو سيارة ثامر
ابو محمد:ايوة ياا ولدي ايش صار بينك وبين فواز عشان تضاربوو انتوو اخواان وحباايب وكباار عيب الي تسوووه وكماان اهل ؟؟؟
ثااامر حكى لابو محمد كل شي وابومحمد من النووع الي ماا يحب يغلط على احد ولا احد يقدر يغلط علية وشخص حقاااني
ابو محمد : والله مدري ايش اقلك يا ولدي بس انا اوريك فيهاا
ثاامر خااف على ريمااس:لا ياا عمي هية ماا لهاا ذم بس هااداا فوااز والسموووح منك ياا عمي بس والله مااكنت اقصد اقوول شي يكدر خاطرك
ابو مجمد ابتسم وصار يقوول في نفسة ونعم التربية بس الي بعررفوو ليش ريمااس مااتبي ترجع معقولة سوالهاا شي يزعلهااا :لا عاادي ياا ولدي ووعزم ثامر عموو على الشااي لكن عموو رفض وقلوو ان شاء الله مررة تانية ووصلوو للبيت ورااح ثامر للعمارة ورااح لشقتة على فكرة ثامر ماناام بشقتة من يووم وصلووو قاال انوو سمية ماا عندهاا رجاال فهو قال انو يكون معهم اذا احتاجو شي و اخد غرفة في شقة سمية لكن هو الحين دخل شقتة اول ماا دخل اتوجهة على غرفة النوم اتذكر احلى لحظات حياتو مع ريماس


بداء اليووم مو متل كل ليلة كااانت غير الفرحة تعم الجميع وطبعا ابو متعب كلم ابو محمد وقالة انة يبي يزورهم هو والاهل وطبعا ابو محمد رحب فيهم ووطبعا ابو محمد خاصم ريماس وبدى يدقق على كل شي تسوية وريمااس تعبت من الحال الي اتغير ضدهاا المهم كان اليوم زيارة ابو متعب دخلووو الحريم وسلمت عليهم ام محمد ومشاعل ولارا وشوية جاات من الدوام ريماس وسلمت عليهم وقعدوو يسوولفوو ونفس الشي من جهة الرجاال ام متعب اشرت لريمااس وجاات جمبهاا هية وام محمد
ام متعب:طلبتك ياا بنيتي ما ترديني
ريماس انحرجت:انتي تامر امر مو بس تطلبي
ام متعب :ابيكي ترجعين بيت زوجك وتعطية فرصة لابو ولدك ثامر ولنفسك فرصة ولولدك وما حرمي ولدك من انة يكون بين امة وابوة
ابتسمت ريماس واستحت من طلب عمتها وما حبت تردها وقالت:طلبك مجاب ياا عمة
قامت ام متعب وسلمت على ريماس وتزغرط والبنات قاامو يسلمو على ريماس وام محمد الفرحة مو سا يعتهاا اماا مشااعل فكاانت مررررة فرحاانة بس على فكرة ريماس صح استحت من عمتهاا بس ماا وافقت الين ماا اختهاا مشاعل اشرتلها انها توافق وطبعا هية دووم تسمع كلام اختها مشااعل الي ينادوها تيتة
لمت ريماس عبشها يعني دبشها هية وولدها وراحت مع اهل زوجها
نرجع لثامر الي كان توة طالع من الحمام وانتم بكرامة وكان قاعد يتحمم وخرج وهو لافف المنشفة على خصرة وقف قدام المراية ومشط شعرو ورمى نفسو عسرير من جهة ظهرو وحدة من ايدية ممدودة والثانية قاعد يلعب فيها بخصلات شعرراسو وقعد يكدها على ورا وهووو مسرح فجائة يسمع صوت بس ماهتم لانة من يوم هوشة المطار وهو في شقتة يرسيلولو الاكل لفوق غمض عيوني حس انو بدا يتوهم لانة حس انة يشم عطرها غمض عيونو بقوة وضرب راسو بيدة
...:ثامر بصوت ناعم وهادي حس نفسو بكابوس وده يصارخ قام على حيله يبي يهرب من ذا الشعور
الي يقتلة ركض لكنة فتح عينة شافهااا قدامة ما استوعب بعدعنها مسافة رجع غمض عيونة يبي يتاكد هو في حلم ولا بعلم قرب منها مد ايدة يتحسس هو شايفها من جد ام لا لمسهااا عرف انه مهب حلم وانهاا حقيقة
ريماس ابتسمت لا شعوريا حست بعيونة التعب والارهاق والعذاب اول مررة تشوفة بهذا المنظر حست انهاا ظالمة حست باحاسيس كثيرة متضاربة قرب ثامر وابتسم ابتسامة تعب وحط ايدة على خصر ريماس وضمهاا بكل قوتة ودة لو يدخلها داخل جسمه وده تكون دوووم شذي قريبة منة اما ريماس من حضنها ثامر وهية مهي حاسة بدنيا عايش في عالم اخر وشوي يخرب عليم دقت جرس الباب ثامر طنش لكن ريماس استوعبت الهيئة الي هية فيها قامت من محلها وهي تجري معقولة يا ريماس قددرتي تضعفي قدامة وبدات تلوم نفسهااا وعلى الي صار اما الجرس فكان يرن اما عن ريمااس فدخلت الحمام وانتم بكرامة فقام ثامر يدور عليهاا عرف انها بالحمام توجة للباب عشان يفتحة لقى اولاد عمة احمد اتفاجئ
احمدابتسم عرف ان ثامر مفاجئ :وينك يا اخوي عنا؟؟ هاه وش رايك بسبرايز وغمزلة
ابتسم ثامر وهو حدة واصلة معة ويقول في نفسه والله انك خربت علية الجو :احلى سبرايز وانا اخوك وين الاهل؟
راح اعرفكم على عيلة ابو احمد احمد الكبير وبعدة يجي سلطان وبعدة تجي مها طبعا مها كبر ريماس ومها تحب ثامر وكانت تبية والكل عارف انو ثامر اكيد بياخد مهاا لان كل شي زين عندها ومتلها ثامر والكل كان يقول انهم لبعض بس نصيب لكن مها ما تبي تسكت عن حقهاااا وهية ناوية انها تربح ثامر مهما كان الثمن لانة حب طفولتها وخاصة ان مها عنيدة والي بية يصير
دخلت ريماس غرفة النوم بسرعة واخذة منشفة عشان تبى تستحم على فكرة ريماس عندها ملابس في بيت زوجها وفي بيت اهلها وفي بيت اهل زواجها يعني لو راحت محل مو شرط تشيل لبس كثير وامكن ما تشيل كمان
المهم نرجع لثام رالي سحبة احمد ونزلو وسلم ثامر على الشباب وحب راس عمة
ابو احمد:هلا والله بثامر عاش من شافك
ثامر ابتسم :تعيش ايامك يا عمي اشلونك؟
ابو احمد :الحمد لله وانت اخبارك؟
ثامر :الحمد لله
وكان على ثامر انة مستانس وفهم ابو متعب بسبب رجعة ريماس
دخل اخو ثامر الي اصغر منة ماجد عمرة اصغر من ثامر بسنة ويشتغل في شركة الوالد بشرقية وكان معة زوج سمية عادل والكل رحب فية وكانت كلها صدف يعني ما كانو عارفين اني احد بيجي وسلموو على بعض شوي ويجي سمسم ومعة مودي وثامر قاام شال ولدة وسلم علية وبعدين اخذ ماجد مودي من ثامر وقعد يسلم علية ويلعبة اما سمسم فركض لابوة يسلم علية عادل:والله اني مشتاااق لكم حيل ويبوس ولده وين دنو؟
سمسم طلع كتوفة على فوق بمعنى ما ادري
ابتسم عادل وناظر ثامر الي كان يناظرهم :تصدق انه ودي ارووح اشوف وغمز
فهمه ثامر وضحك وقاله :روووح يا المشتاق منو ماسكك
عادل:فية حريم
ثامر غمز له :ولا يهمك
في هذي الاثناء اتصلت مريم على ريماس تقلها انو في ضيوف وانه لازم تنزل
ريماس بعد ما اتحممت بدات تدهن جسمها بالكريمات الي بعد الترويش وكانت بريحة الفل وبدات تطقم لبسها خرجت بنطلون جنز غامق وبلوزة صفرة مرررة كيوووت مفتوحة من جهة الرقبة وشوية من الصدر كانت البلوزة كلها بلون ابيض بس من الاطراف لون اصفر بسيط وناعم معطي ريمااس شكل طفولي وطبعا ريماس شعرها طويل يوصل لحد الفخد وناعم يعني لو ما سرحتو ما يبين الا انها مسرحتها لفة شعرها بسرعة كعكة بس بطريقة مهملة وحطت بكلتين صغيرة صفرى من مقدمة راسها على شكل فيونكة ومبين انها مسوية قرنين وحطة كحل اسود بسيط على الخفيف ومرطم لونة وردي وعلى فكرة ريماس لونها قمحي وجزمة بيضة عليها ورداة صغيرة صفرى ولبست عبايتها وطبعا وقت دقت عليها مريم كانت مسوية حلى من المكونات الي كانت موجودة بالبيت وكانت تزين بالحلى قبل ما تنزل
.....:يـــــــــــــــا ولد
مريم:ثامر اكيد صوتة
مها فرحة انها بتشوفة
ثامر :السلام عليكم
الحريم:وعليكم السلام
ام متعب :اقلط مافي احد محرم عليك اقلط
دخل ثامر وسلم على ام احمد وحمد لها على السلامة
واشر لاختة سمية انها تلحقة وقلها تروح شقتها عشان زوجها ينتظرها هناك وتاخد بنتها دانة معهاا وسمية استانست ان عادل رجع واخدت عباتها وراحت شقتها وثامر دخل المطبخ على اساس يقلهم يصلحوو قهوة وهو خارج الا يقابل مها قدامة
وطبعا هذي خطة من خطط مها وفي هذا الوقت دخلت ريماس واتوجهة للمطبخ وفتحة عيونها وسوت نفسهاا انهاا مهي مهتم وابتسمت ولا كانو شي ودخلت المطبخ وهية قلبهاا ياكلهاا اكل وندمت انها رجعت ودهااا تصيح بس سوت نفسهااا انوو ولا همهااا ثااامر ارتبك وخاصة يووم شااف ريمااس هوو شافهااا وخق عليهااا بس ما كاان وقتة الحين وش تحسب اما عن مها فسوت نفسهااا انو كانو في شي بينها وبين ثاامر ويووم شافت ريمااس سوت نفسهاا انهاا اتوترت .......
وكانها تبي تخبي مصيبة او العلاقة الي مابينها وبين ثامر
(المصيبة انو ماا في شي بينهم )
اماثامر نزل عيونة وراح لمجلس الرجال وشايل هم ومستغرب من رد ريماس معقولة ما صارت تغار علي متل اول حتى انها ابتسمت او امكن انها عرفت انها صدفة وحبة تطمني انها فهمت والله مدري عنهاا الله يستر منك يا ريماس
اما عن ريمااس فزااد كرهاها لمها وثامر ووعدة نفسها انها تنتقم منهم هه يحسبوني غبية وما اعرف ايش بينهم صدق اني غبية اني صدقتك يا ثامر اكرررررررررررررررررررررهك ليش ؟؟ حراام عليك داااامك تحبها ليش اخذتني واذا تبيهااا ليش رجعتني ليش تسوي نفسك انك تحبني اكررة تمثيلك ماا يعرف انة يجرحني بالي يسوية انا اعطيتة حريتة ليش ماا اخذها وطبعا هذا الكلام كاان يدوووور في نفس ريماس
مريم :رموسة
ريماس:هاه
مريم :وش فيك؟؟
ريماس :ولا شي
مريم ابتسم بحنية:طيب يا قلبي المهم زوجك ينتظرك يقلك يالله يبي ينام
وكانت ريماس بتشرب موية وانشتقت ضحكت عليهاا مريم :بسم الله عليكي ترى اخووي ماا ياكل
ريماس ابتسمت بقوة وهية خايفة تضعف بس استملكت قوتها واخدت مودي الي كاان ناايم من التعب وخرجت طلعت فووووق مع ثامر وركبو السنسير وكاان طوول الوقت ثامر شايل مودي ويناظرها وهية مسوية انهاا ما انتبهت وقعدت تناظر باب السنسير

دخلوووو الشقة وثامر حط ولدة على السرير وناظر ريما س الي فكت عبايتها وخرجت قاام وبدل ملابسة وعدل ولدووو فوق السرير وقعد يلعب بشعر ولدوو وشوية دخلت ريماس طالع فيهااا وابتسم
ريماس:لو سمحت اباك بموضوع
وقالتها بنغمة كانها تكلم رئيسها بالعمل مو تكلم زوجهاا بس ابتسم لها ثامر وحرك راسوو بمعنى طيب
وخرج معاها وراحو غرفة المعيشة
ريماس:شوووف انا رجعت مو عشان سواد عيونك طيب عشان ولدي وعشان امك الي طلبتني اني ارجع ومن الكلام الي دخلتو براس بابتي
اتفاجئ من كلامها ثامر وكانة مو مستوعب الي تقولة
ريماس :وانا دحين اشتغل بمستشفى........
وعندي دوام بكرة وانا ما ني حابة اجلس بالبيت وراح ادااوم ومابيني وبينك أي شي غير هذا الولد الي يربطنا وعشان اهلنا
ثامر انقهر منها ومن كلامها الي زي السم الي بتطعن فية وهية مهي عارفة
ثامر بكل برود:طيب سوي الي تبية وانا بعد اسوي الي ابية بس انتي بحدوووود عشنك زوجتي يعني قدااام الناس يعرفوو انه انا زوجك وسمعتك من سمعتي فهمتي ايش اقصد وقاام واتوجة لغرفة النوم
اما عن ريمااا س كانت متفاجئة من ردووو ومن بروودووو اية يحبها ولا ما قلي هذا الكلام مني عارفة ايش شاايف نفسوو انا اشرف منو الي ماا يستحي اكرهووووو انا ما سويت شي عشان يقلي هذا الكلام الي زي السم بس الايام بينانا ياا ثامر
وراح تشوف اذا مانكدة عليك انت وحبيبة القلب وسودة عيشتكم ماا اكوون بنت عبدالله......
ثامر راح نام جنب مودي وبمعنى اصح انسدح ومقهوور من معاملتهاا له قعد يفكر ايش الي يكوون السبب في كرة ريماس وتغير معاملتها فجئة اما عن ريماس فنامت من القهر على الكنبة الي بغرفة المعيشة
مرة الايام بدون أي تغيير بين ثامر وريماس واجتمعت العيلة بالعمارة (اخوان واخوات ابو متعب واهلهم ) ودخل شهر الرحمة والمغفرة شهر القران رمضان
الكل قعد يعيد على بعض وريماس استاذنت وطلعت الشقة واخدت مودي معها واتصلت على اهلها وعيدت عليهم وطبعا كلمت مشاعل وعيدت عليهاا وقالتلهاا مشاعل حاجة تسويها
ريماس:تيتة ما اقدر
تيتة:الا رااح تقدري واصلو ما بين أي زوج وزوجة الكلام الي انتي توقلية كرامة وعزة نفس والكلام الفاضي ولا تنسي انتي الغلطانة مو هو واحنا داخلين على شهر كريم شهر التسامح وشهر المغفرة يالله زي ماا قلتلك سوية واذا ما سويتي انا ما لي صلاح فيكي

استسلمت ريماس للامر الواقع
ريماس:ان شاء الله
ثامر كان جاي من الشغل وهلكا ن حيلو من التعب سلم وعيد عليهم وطلع الشقة وشاف ولدو نايم على السرير وعرف انو ريماس بالمطبخ لان نور المطبخ شغال دخل استحم ولبس وشاف مودي صاحي وقعد يلعب معا ه اما عن ريماس فسمعت صوت فخافت على ولدها وراحتلو وشافتهم يلعبو ابتسمت وجاات قعدة على الجهة الثانية من السرير ومسكت مودي :كل سنة وانت بخير
اما عن ثامر فهم حركتهاا بس سوى نفسو انو ما سمع ولا اهتم وفك الابتوب قعد يشتغل
ريماااس اوووف معقووولة ماا فهم حركتي ايش اسوي طيب قامت :يالله العشى جاهز
ثامر قام وشال مودي وراح ياكل اما مودي اكل شوية وراح على غرفتة والي ملياااانة العااب الي يدخل يقول محل العااب مو غرفة المهم ريماس وثامر هم الي بقيو على طاولت الاكل وكان السكوووت بينهم ريماس بدات تسوي حركات عشان تجذبو لاكنو ماا اعطاها أي اهمية شالت الاكل ريماس وثامر كان جايب الابتوب معاه وقعد يشتغل وياكل سوتلوو شااي وخرجت حلى من الثلاجة
ثامر قام ياخذكاس موية الا ويصقع بريماس وتطيح ويمسكها من خصرها وظهرهااا وكااان طرف خشم ثامر على جبهة ريماس قعدو حوالي دقيقة وهم بهذي الحالة ثامر استوعب الي صاير وعدلها ومشي الا وواحد يمسك ايده لف عليها وشافها ماسكة ايدة وقربت منه حس باحساااس غريب احساااس حلووو احساااس من زماااان ما حسة احاسيس مختلطة من المشاعر والاحاسيس جديدة علية بس يحس بشعووور مررة حلووو...............ناظر عيونها شاف فيها لمعة حلوة حنونة فيها نظرة حب وود نظرة حبيبتة يــــــــــــــالله وحشتني نظرتها الي تذوب الصخر من حنيتة ناظرها نظرة المشتاااق والولهااان ناظرة نظرة تخقق مين ما تكوون قداامة قربت ريماس وقالت:كل سنة وانت طيب وبصحة وسلامة قالتها بنعومة ورومنسية وابتسمت ابتسامة دووم تخقق ثامر

إحساس جديد بقلك بيزيد
بتحسه كل ما بتتطلع فيي
انك عطول فيي مشغول
كتير بتشتاق لي و بتموت عليي
إحساس جديد بقلك بيزيد
بتحسه كل ما بتتطلع فيي
انك عطول فيي مشغول
كتير بتشتاق لي و بتموت عليي
أنا ما بدي تقللي كلام
يدوب قلبي حنين و غرام
أنا ما بدي تقللي كلام
يدوب قلبي حنين و غرام
بيكفيني تقللي بحبك
هيدي الكلمة بتقتلني
حدي بكون قلبك مجنون
حتى نظرات عيونك مجنونة
بيعز عليك ترف بعينيك
و تمرق شئ لحظة و ما تشوف عيوني
أنا ما بدي تقللي كلام
يدوب قلبي حنين و غرام
أنا ما بدي تقللي كلام
يدوب قلبي حنين و غرام
بيكفيني تقللي بحبك
هيدي الكلمة بتقتلني
أنا ما بدي تقللي كلام
يدوب قلبي حنين و غرام
أنا ما بدي تقللي كلام
يدوب قلبي حنين و غرام
بيكفيني تقللي بحبك
هيدي الكلمة بتقتلني
أنا ما بدي تقللي كلام
يدوب قلبي حنين و غرام
أنا ما بدي تقللي كلام
يدوب قلبي حنين و غرام
بيكفيني تقللي بحبك
هيدي الكلمة بتقتلني



راح اكمل ان شاء الله البارات بس بعد ما ان شاء الله ماا اشوف ردودكم الي رااح تشجعني واكمل القصة انتظروني في البارااات الجاايو وانا من جهتي انتظر ردووودكم حباايبي وعلى فكر انا اول مررة اكتب قصة

هل رااح ترجع الامور زي زمااان بين ريماس وثامر ؟؟؟؟
وايش قالت مشاعل لريمااس تسوية؟؟؟
وايش مخطاطااات مهاااا؟؟وهل من الممكن انها تاخذ ثاامر لصفهااا؟؟
راااح تلاقوو اجوبة اسالتكم في الباارااات الجااية ان شاء الله
مع تحيات اختكم ومحبتكم\
هـــــــــــــــــمســة

ومساعده في التنزيل: عبير الحب










[center]

سلمت أناملك الذهبية. ... ماشاالله كل يوم عن يوم عما تبدعي أكتر سلمت يداكي.......

يعطيج اللة عمر و عافية .............

بس ابي قصص جريئه حيييييييييييييييل اكثر تتكلم عن ........ اتي تعرفين او انت تعرف





تحياااااااااااااااتى لج